Априлска плата: Здравство и образование ги влечат платите нагоре
Во април 2025 година просечната месечна исплатена нето-плата изнесува 45 452 денари, соопшти Државниот завод за статистика.
Просечната месечна исплатена нето-плата по вработен, во април 2025 година, изнесува 45 452 денари.
Во април 2025 година, во однос на април 2024 година, просечната месечна исплатена нето-плата по вработен е повисока за 10.6 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 14.7 %, Образование за 14.4 % и Административни и помошни услужни дејности за 13.0 %.
Зголемување на просечната месечна исплатена нето-плата по вработен, во однос на претходниот месец, е забележано во секторите: Информации и комуникации за 4.2 %, Административни и помошни услужни дејности за 3.9 % и Дејности на здравствена и социјална заштита за 3.8 %.
Во април 2025 година просечната месечна исплатена бруто-плата изнесува 68 294 денари
Просечната месечна исплатена бруто-плата по вработен во април 2025 година изнесува 68 294 денари.
Во април 2025 година, во однос на април 2024 година, просечната месечна исплатена бруто-плата по вработен е повисока за 10.7 %.
Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Дејности на здравствена и социјална заштита за 15.0 %, Образование за 14.6 % и Административни и помошни услужни дејности за 13.2 %.
Зголемување на просечната месечна исплатена бруто-плата по вработен, во однос на претходниот месец, е забележано во секторите: Административни и помошни услужни дејности за 4.5 %, Дејности на здравствена и социјална заштита за 3.9 % и Информации и комуникации за 3.6 %.
