Новата царинска одлука на администрацијата на Доналд Трамп носи шокантни вести за милиони американски љубители на кафе. Од 1 август, САД воведуваат царина од неверојатни 50% на увозот од Бразил – најголемиот светски производител и главен снабдувач на кафе за американскиот пазар!
Ова значи дека цената на кафето ќе скокне до небо, а потрошувачите ќе се соочат со најголем пораст на цените во последните години. Експертите предупредуваат дека бразилските извозници и американските производители нема да можат да ги апсорбираат новите давачки, што ќе го направи бразилското кафе недостапно или скап продукт.
САД веќе имаат трговски суфицит од 7,4 милијарди долари со Бразил, но тоа не ги спречува да воведат строги царини – чекор што би можел да предизвика ланец на поскапувања на основни прехранбени производи.
Покрај тоа, обидите да се замени бразилското кафе со увоз од други земји како Колумбија и Хондурас нема да ја задоволат побарувачката, ниту по количина, ниту по цена.
Подгответе се за кафе со повисока цена и неизвесна достапност – царинската војна меѓу САД и Бразил започна, а последиците веќе се чувствуваат!