Горивата повторно поскапуваат од полноќ

Регулаторната комисија за енергетика, ја објави новата цена на горивата која ќе важи од вечерва на полноќ.

Цената на ЕУРОСУПЕР 95 се зголемува за 0,5 денари, и од утре ќе се продава по цена од 74,5 денари по литар. Исто за 0,5 денари се зголемува и цената на ЕУРОСУПЕР 98+, и од утре ќе се продава по цена од 76,5 денари.

Цената на ЕУРОДИЗЕЛ се зголемува за 1 денар, и ќе чини 72 денари по литар.

Цената на екстралесното масло за домаќинство нема да се промени, и ќе се продава по цена од 69,5 денари. Цената на мазутот се намалува за 0,5 денари, и ќе изнесува 36,4 денари по килограм.