Европските берзански индекси денес се мешани, а цената на златото повторно расте и се приближува кон рекордни вредности поради очекувањата дека Федералните резерви на САД ќе ги намалат каматните стапки следната недела, со што ќе се зголеми привлечноста на овој скапоцен метал за инвеститорите.
Европската централна банка (ЕЦБ) вчера ги задржа каматните стапки на исто ниво и сигнализираше дека нејзиниот циклус на намалување на каматните стапки е завршен, а претседателката Кристин Лагард изјави дека банката е во „добра состојба“ и дека ризиците за раст сега се поизбалансирани, пренесува CNBC.
Индексот DAX на Франкфуртската берза падна за 0,24 проценти на 23.626,38 поени денес во 10:15 часот, францускиот CAC 40 за 0,52 проценти на 7.781,65 поени, московскиот MOEX за 0,43 проценти на 2.895,97 поени, додека лондонскиот FTSE 100 порасна за 0,23 проценти на 9.319,22 поени.
Вредноста на американскиот берзански индекс Dow Jones се зголеми за 1,36 проценти на 46.108,00 поени пред отворањето на берзите денес, вредноста на индексот S&P 500 за 0,85 проценти на 6.587,47 поени, а вредноста на индексот Nasdaq за 0,72 проценти на 22.043,08 поени.
Европските фјучерси за гас за октомври беа продадени на отворањето на берзата TTF по цена од 32,323 евра за мегават-час.
Според моменталните податоци од берзата, цената на суровата нафта падна на 62,085 долари, а цената на нафтата Брент на 66,138 долари.
Цената на златото се искачи на 3.651,03 долари за унца, а цената на пченицата падна на 5,2109 долари за бушел (еден бушел е 27,216 кг).
Вредноста на еврото во однос на доларот на берзата Форекс е 1,17362 долари, што е за 0,03 проценти повеќе отколку на почетокот на тргувањето.