На валутните пазариво понеделникот во претпладневното тргување вредноста на американскиот долар во однос на кошничката валути падна, по минатонеделниот пораст од 0,45 проценти.
Индексот на доларот, кој ја искажува вредноста на американскиот долар во однос на другите шест најважни светски валути, претпладнево е околу 99,72 поени, додека во петокот навечер изнесуваше 100,04 поени.
Курсот на американскиот долар во однос на јапонската валута се намали за 0,4 проценти, на 144,20 јени. Американската валута ослабе и во однос на европската валута, па цената на еврото се зголеми за 0,3 проценти, на 1,1335 долари.
Цените на нафтата нагло паднаа откако Организацијата на земјите извознички на нафта (OPEC) во саботата одлучи да го зголеми производството во јуни. Цената на барелoт на лондонскиот пазар претпладнево потона за 3,70 проценти, на 59,05 долари, додека на американскиот пазар цената на барелот падна за 4,05 проценти, на 55,95 долари.