Еколошките групи во Германија упатија повик до надлежните органи во Берлин да ги интензивираат напорите за намалување на зависноста од нафта и природен гас, сметајќи дека конфликтот поврзан со Иран ја откри германската потчинетост на увозот на фосилни горива.
Во заедничкиот став на еколошките движења и организации се нагласува дека зависноста од увозот на фосилни енергенти поттикнува инфлаторни притисоци и економска нестабилност, слично на состојбите за време на енергетската криза во 2022 година, по избувнувањето на воениот конфликт во Украина.
Екологистите апелираат за уште поголемо искористување на обновливи енергетски извори, ефикасно енергетско реновирање на градежните објекти и забрзан премин кон климатски неутрални системи за греење, како што се топлинските пумпи.
Дополнително, тие предлагаат прекин на издавањето дозволи за регистрација на нови возила на бензин и дизел, како и на „plug-in“ хибриди, воведување на ограничување на брзината на автопатите и намалување на максимално дозволената брзина на регионалните патишта.
Според нивната оценка, неопходно е значително унапредување на железничкиот сообраќај и јавниот превоз, електрификација на индустриските процеси и постепено елиминирање на субвенциите за фосилни горива.