Директорката на Меѓународниот монетарен фонд (ММФ), Кристалина Георгиева, денес истакна дека глобалната економија поминува низ длабока трансформација и постои голема неизвесност, што ги зголеми ризиците кога станува збор за перспективите за економски раст.
Во својот говор на годишниот состанок на ММФ и Светската банка, кога станува збор за решавање на споменатите ризици, таа истакна дека, меѓу другото, е потребно да се намалат прекумерните глобални нерамнотежи, бидејќи тие претставуваат проблем за стабилноста на меѓународниот монетарен систем.
„Сеопфатните промени во политиката во многу области ги преобликуваат економиите и ја тестираат нивната отпорност, па додека земјите минуваат низ оваа трансформација, приоритетите се зачувување на макроекономската и финансиската стабилност и заедничка работа за да се обезбеди непречено функционирање на глобалната економија“, рече Георгиева.