Цената на златото бележи значителен раст во текот на оваа година, со зголемување од околу 45 до 50 проценти, според податоците од меѓународните берзи. Златото достигна историски високи нивоа, поттикнато од глобалната економска неизвесност, геополитичките тензии и засилената побарувачка од страна на инвеститорите и централните банки.
Во текот на годината, вредноста на благородниот метал се движеше во континуиран раст, а аналитичарите посочуваат дека златото повторно станува една од најбезбедните инвестиции во услови на нестабилни финансиски пазари и инфлациски притисоци во многу економии.
Дополнително, засиленото купување од азиските пазари, како и продолжените напори на централните банки да ги зајакнат резервите, ја поддржаа неговата цена.
Пазарните аналитичари предвидуваат дека интересот за злато ќе остане висок и во наредниот период, особено доколку продолжат геополитичките ризици и монетарната неизвесност на глобално ниво.