Комерцијална Банка со поволни услови ќе овозможи брзи и лесни трансакции во евра во земји членки на СЕПА

Банката прави уште еден чекор напред во понудата на напредни и конкурентни услуги, со што граѓаните и компаниите ќе можат да ги намалат своите трошоци за меѓународни трансфери во евра кон СЕПА земјите.

Со новите пониски надоместоци и со поедноставени процедури ќе вршат поевтини и побрзи трансфери за испраќање и прилив во евра кон земји членки на СЕПА.

Новата услуга за овозможување кредитни трансфери во евра преку европската платежна шема SEPA (Single Euro Payments Area) ќе биде достапна од 7 октомври 2025.

Досегашните провизии за плаќања и приливи во евра за физички лица се намалуваат повеќекратно.

За најниските износи на приливи до 29,99 евра, надоместокот ќе изнесува само 10 денари, а за кредитни трансфери до 29,99 евра само 60 денари.

За најголем дел од кредитните трансфери преку Интернет банка клиентите ќе плаќаат до 300 денари, а за кредитни трансфери во евра преку шалтерите на Банката до 360 денари.

Највисокиот надоместок за приливи над 10.000 евра ќе изнесува 300 денари, а за кредитни трансфери 600 денари.

За клиентите правни лица, исто така, се воведуваат пониски тарифни ставки со фиксни износи за кредитни трансфери и приливи од земји членки на СЕПА, кои се и до неколкукратно намалени во однос на досегашните надоместоци.

Комерцијална банка е меѓу првите банки во земјава што воведува тарифник за СЕПА плаќања согласно препораките на Народната банка на Република Македонија. Целта на Банката е преку воведување економични финансиски решенија и напредни дигитални технологии да им овозможи на клиентите едноставно и ефикасно управување со секојдневните финансии и да ја поттикне дигиталната трансформација во земјата.