Од ноќеска на полноќ, малопродажните цени на бензините ЕУРОСУПЕР БС-95 и ЕУРОСУПЕР БС-98 ќе се намалат за половина денар, додека ЕУРОДИЗЕЛ (Д-Е V) ќе биде поевтин за еден денар по литар.
“Екстра лесното масло за домаќинство на (ЕЛ-1) поевтинува за 1,5 денари за литар,” соопштија денеска од Регулаторната комисија за енергетика.
Новата цена на ЕУРОСУПЕР БС – 95 ќе изнесува 74,50 денари, ЕУРОСУПЕР БС – 98 ќе се продава за 76,50, ЕУРОДИЗЕЛ БС (Д-Е V) за 68,50, а Екстра лесното 1 (ЕЛ-1) по 68,00 денари за литар.
Исто така, Мазутот М-1 НС ќе биде поевтин за 0,159 денари, достигнувајќи цена од 39,786 денари за еден килограм.