Бизнис акцелераторот УКИМ, во партнерство со The Learning Curve, ја организира конференцијата „Како стартапите да обезбедат паметно финансирање во 2025“, каде што повеќе од 100 учесници од стартап заедницата ќе разменуваат искуства, идеи и стратегии за привлекување инвестиции.
На настанот, кој ќе се одржи во Инокс центарот за иновации, ќе зборуваат реномирани претприемачи и експерти, вклучувајќи го Џонатан Кварлес, основач на The BTL Group, Весна Кузмановиќ, иноваторка во сферата на design thinking, Франка Граждани, ко-основачка на ETH Macedonia, како и Александар Стамболиев, директор на Бизнис акцелераторот УКИМ.
Нивните излагања ќе ги опфатат главните предизвици и шанси во финансирањето стартапи, применливи стратегии за привлекување инвестиции и трендовите кои ќе ја обликуваат заедницата во наредната година.
Освен мотивирачките говори, учесниците ќе имаат можност за поврзување со инвеститори и бизнис лидери, градење нови партнерства и запознавање со тековните механизми за финансиска помош.