Српската влада донесе решенија за нови издавања на државни обврзници. Едната емисија е во вредност од 250 милиони евра, додека другата достигнува 35 милијарди динари (што е скоро 300 милиони евра).
Според одлуките презентирани во Службен весник, Србија емитува долгорочни државни обврзници со цел да се финансира буџетскиот дефицит, да се рефинансираат доспеаните долгови врз основа на јавниот долг и да се обезбедат средства за инвестициски и програмски проекти.
Првата емисија, со вредност од 250 милиони евра, е долгорочна обврзница со датум на достасување 29 јули 2037 година и годишна купонска стапка од пет проценти. “Станува збор за долгорочни хартии од вредност”, се вели во соопштението.
Втората емисија, во износ од 35 милијарди динари, има рок на достасување на 30 јули 2030 година, со купонска стапка од 4,5 проценти.
Министерството за финансии информираше дека јавниот долг на Србија кон крајот на април изнесувал 38,7 милијарди евра, или 43,9 проценти од БДП. “Во тој период, Србија имаше дефицит во буџетот во износ од 78 милијарди динари,” соопштија од Министерството.