Струмичките зелени пазари важат за едни од најевтините во државата во пресрет на сезоната на приготвување зимница. Директно продаваат земјоделци и ги нема прекупците и трговците. Има ли доволно количини за традиционалниот ајвар, пинџур и кои се цените на зеленчукот во Струмица…
За купувачите скапо за продавачите евтино. Вообичаена слика на пазарите во Струмица пред сезоната на подготвување зимница. Најбарани се црвените пиперки кои се продаваат од 50 до 60 денари, доматите од 30 до 50 и модриот патлиџан 20 денари за килограм.
За купувачите цените на зелените пазари во Струмица се солени, но нема да се откажат од подготвување ајвар, лутеница, пинџур. Велат дека остануваат верни на традицијата и приготвеното дома е повкусно.
Струмичките зелени пазари се сметаат за најевтини во државата, бидејќи директно продаваат земјоделци а не трговци.