Претседателот на САД, Доналд Трамп, денес повторно се закани дека ќе воведе царини за членовите на БРИКС, велејќи дека групата „брзо ќе заврши“ ако некогаш сериозно се формира.
„Кога слушнав за оваа група БРИКС, тие шест земји… ги удрив навистина, навистина силно. И ако некогаш навистина се обединат на сериозен начин, тоа брзо ќе заврши“, рече Трамп, без директно да ги именува земјите, пренесе Ројтерс.
Тој изјави дека е посветен на зачувување на статусот на американскиот долар како глобална резервна валута и рече дека никогаш нема да дозволи воведување на дигитална валута на централната банка (CBDC) во Соединетите Американски Држави.
БРИКС е организација на група земји во развој, составена од Бразил, Русија, Индија, Кина и Јужна Африка, додека Иран, Египет и Етиопија неодамна се придружија.
Овие земји бараат начини да ја намалат својата зависност од американскиот долар, вклучувајќи идеи за заедничка валута или трговија со национални валути.