Во илјадици евра се проценуваат штетите на струмичките земјоделци чии посеви минатата седмица беа погодени од силно невреме

Во илјадици евра се проценуваат штетите на струмичките земјоделци чии посеви минатата седмица беа погодени од силно невреме со дожд и град. Покрај пропаднатите реколти, особено тие на отворено, најголеми загуби бележат во уништените пластеници. Велат штетите тешко ќе се надоместат.

Земјоделците почнале да ги пријавуваат штетите во општината и се надеваат дека наскоро ќе излезе комисија за проценка. Според нив, секоја помош ќе е добредојдена.

Од Општина Василево, каде имаше најмногу штети информираат дека е формирана комисија за проценка на штети, а погодените земјоделци барања за проценка може да се поднесуваат до дваесетти мај.

Невремето траеше само дваесетина минути, но во тој период се уништени соттици хектари земјоделски насади, зеленчук, пластеници и лозје. Најмногу настрада нивите во селата Пиперево, Сарај, а дел и Василево и Хамзали.