Државниот завод за статистика излезе со податок дека лебот и житата заеднички постигнале раст на цена од 36,5 проценти во јули годинава во однос на истиот месец лани. Од Сојузот на синдикати пак, пресметаа дека цената на лебот, се зголеми за повеќе од 100 проценти. Но, и без овие пресметки секој купувач си знае колку порано чинел лебот што тој си го пазарел, а колку е сега.
Во продавниците, најчесто цените се околу 50 денари за пченичен леб од околу 500 грама. Производителите на леб велат дека трошоците им се огромни, а дури и најавуваат дека цената во иднина може да се зголеми со оглед на трендот на цените кај енергентите. Многу често, од страна на проиводителите го слушаме и апелот до Владата да се преземе нешто, за да не се затвораат капацитети.
„ЖИТО ЛУКС“ ВО ЗАГУБА, ДРУГИТЕ ВО ДОБИВКА
„Пари“ побара податоци од платформата БизнисМрежа.мк за најпознатите произбодители на леб и печива. Податоците кажуваат дека минатата година само „Жито Лукс“ ја завршил во загуба (287.000 евра), додека „Силбо“, „Специјал“, „Диме“ и „Жито леб Охрид“ оствариле добивка. Притоа, најголем добитник минатата година, меѓу комапниите што ги анализравме беше „Диме“ со профит од 400.000 евра, кој е повеќе од двојно од профитот остварен во 2020 година кога создал добивка од 180.000 евра. „Жито Скопје Силбо“ која е особено позната по своите пекари во Дебар Маало и во Аеродром лани имала профит од 289.000 евра и со тоа направила поголема добивка за околу 70.000 евра во однос на 2020 година. „Жито леб Охрид“ , пак лани успел да се извлече од лошата финансиска состојба во која западнал во 2020 година кога завршил со загуба од 276.000 евра и да направи добивка од 200.000 евра. Со добивка бил и „Специјал“, но со поскормен износ од другиве компании –лани профитирал со 67.000 евра и остварил раст на добивката од над 12 проценти во однос на 2020 година кога имал добивка од 57.000 евра.
Финансиски резултати на 5 познати прозводители на леб и печива
Очекувано, најголем промет прави „Жито Лукс“ и таму граѓаните оставиле 16,9 милиони евра, но овој промет, и покрај растот на цените бил помал отколку во 2020 година кога компанијата успеала да направи добивка од 78.600 евра.
КАКО РАБОТЕЛЕ ПРЕД КРИЗАТА?
Вкупниот промет на 5-те анализирани компании во 2021 година биле 35,6 милиони евра, а четирите компании со добивка, направиле вкупна добивка од 956.000 евра. Но, како работеле овие компании во предпандемиската 2019 година? Податоците покажуваат дека „Жито Лукс“ и тогаш работел со загуба, а дека минатогодишниот рекордер по добивка – „Диме“, тогаш имал многу помал профит. „Специјал“, Силбо“ и „Жито леб Охрид“, во 2019 година имале заначително поголеми добивки.
Добивки пред кризата
Вкупната добивка на четирите компании што работеле со добивка во 2019 година е нешто над 1 милион евра.
Целата анализа е достапна на следниот линк: https://pari.com.mk/pari-