Енергетска кризна состојба во траење од триесет дена е одлуката која што Владата ја донесе на денешната седница. Целта на оваа владина мерка е да се ублажат последиците од кризата во енергетскиот сектор и да се овозможи финансика инјекција за државните енергетски компании со која ќе останат ликвдни и ќе може да продолжат да купуваат струја од безите.
Владината одлука доаѓа по петочната препорака на Комисијата за проценка на енергетскиот сектор и извештајот на МПЕСО за проценка на стабилност на енергетскиот сектор покажал дека постои ризик.
Иако домашните капацитети за производство се десеткувани, нема залихи на јаглен и се случија неколку хаварии, на денешната седница не се разгледувало прашањето за евентуално разрешување на директорите на МЕСПСО и ЕСМ, Кутштрим рамадани и Васко Ковачевски. Министерот Бектеши, кој самиот кажа дека една од причините за моменталната состојба во енергетскито сектор е недомаќинското работење, денеска не посочи со прст во никого, но додаде дека негов личен став е дека има одговорност кај раководните лица именувани од Владата.
А кога домашните капацитети ќе бидат целосно во погон и вклучени на мрежата прецизен одговор нема ниту од министерот Бектеши. ТЕЦ Осломеј треба да почне со работа на 1 декември и дотогаш треба да почнат испораките на јаглен од Косово, ТЕЦ Неготино чека Владата да одлучи како ќе го снабди со мазут за да може нрпечено да работи а до крајот на неделава најавено е вклучување во погон на Блок 2 во РЕК Битола. По петочната хаварија на трафостаницата на Блок 3 во Комбинатот, тој може да почне со работа најрано кон средината на идниот месец.