Криптовалутите денеска бележат пад, при што најголемите дигитални средства се во црвено, следејќи го негативниот тренд на глобалните финансиски пазари.
Најголемата криптовалута, Биткоин, се тргува околу 69.317 долари, што претставува пад од 2,62%. Сличен тренд има и кај Етериум, кој е намален за 3,37% и се движи околу 2.118 долари.
Меѓу останатите водечки криптовалути, БНБ бележи пад од 1,47%, додека Солана е понизок за 1,23%. Икс-Ар-Пи останува речиси непроменет, со минимален пад од 0,06%.
Од друга страна, стабилкоините остануваат стабилни. Тетер се задржува околу 1 долар, со занемарлива промена, додека УСД Коин бележи минимален раст од 0,01%.
Аналитичарите посочуваат дека падот е резултат на зголемена неизвесност на пазарите, поврзана со глобалните економски и геополитички случувања. Во вакви услови, инвеститорите често го намалуваат ризикот, што се одразува и врз криптовалутите.