Европската Унија нема да ги ублажи санкциите за руските фосилни горива по договорот меѓу Вашингтон и Москва за испораки на дизел, порача претседателката на Европската комисија, Урсула фон дер Лајен, пренесува „Политико“.
Во обраќање пред Европскиот парламент, таа предупреди дека Русија не е сигурен снабдувач со енергенси и дека Европа не смее да ги заборави последиците од енергетската зависност од Москва.
„Нашето искуство покажува дека во секој момент би можела да ја искористи енергетската зависност како средство за уцена. Тоа е лекција која Европа сигурно нема да ја заборави“, изјави Фон дер Лајен.