Бразилската влада го исфрла претставништвото на Меѓународниот монетарен фонд (ММФ)  по незадоволството со економските прогнози на таа институција. „Минаа години откако престанаа да бидат тука потребни. Останаа тука дека ја сакаат храната, фудбалот, пријатниот разговор и од време на време да критикуваат и да даваат погрешни предвидувања“, кажа Паоло Гуедес, бразилскиот министер за финансии.

Од 30 јуни следната година, кога актуелниот претставник на ММФ треба да биде сменет, Бразил веќе нема да ја признава канцеларијата на оваа институција во својот главен град Бразилија, наведе Гуедес и додаде: „Им кажавме своите прогнози да ги даваат на друго место“. ММФ се согласи да ја затвори канцеларијата на тој датум.

Одлуката седи по сè посилната критика на Гуедес поради предвидувањата на ММФ во последните години, особено минатата година на врвот на пандемијата. Ја наведе проценката на Фондот за намалување на бруто домашниот производ од девет отсто минатата година, што беше значително полошо од падот од 4 отсто кој официјално го извести владата.

„Ако сакаат, можат да ја задржат својата канцеларија, но ние официјално велиме дека повеќе не ни се потребни тука“, кажа Гуедес.

Гуедес, поранешен управител на фондовите од Рио де Жанеиро, редовно ги обвинува и странците и самите Бразилци дека ја потценуваат најголемата економија на Јужна Америка, за која вели дека влегла во „опоравување во облик на буквата V“ по падот предизвикан од пандемијата.

Неговото министерство проценува дека БДП ќе порасне за повеќе од пет отсто оваа година и два отсто следната година, што се значително подобри прогнози од повеќето економисти, кои предвидуваат стагнација или дури рецесија во 2022. Во третото тромесечје економијата влезе во рецесија бидејќи порастот на инфлацијата го успори растот.

Канцеларијата на претставник на ММФ обично се отвора во земјите кои добиле заем од институцијата. „Бразил излезе од својата програма во 2005 година, но останувањето на канцеларијата беше оправдано бидејќи Бразил е најголемата јужноамериканска економија и тоа е место кое е тешко да се разбере од Вашингтон“, кажа за ФТ извор запознаен со ситуацијата.

Чарлс Робертсон, главниот економист во Ренесанс капитал, инвестициска банка за пазарите во развој, кажа за ФТ: „ММФ е загрижен поради размерот на фискалниот дефицит на Бразил и неговиот растечки долг, а тоа бразилскиот претседател Жаир Болсонаро не сака да го слушне. Може да се покаже дека ММФ е прилично добар во тоа што го работи, копа детали за фискалната страна, а владата не сака тоа да се случи пред изборите следната година“.