Цените на храната благо пораснаа во април бидејќи повисоките цени на месото, растителните масла и житариците ги надминаа пониските цени на шеќерот, млекото и млечните производи, објави Организацијата за храна и земјоделство на Обединетите нации (ФАО).
Индексот на цените на ФАО на кошничката основни прехранбени производи во април се зголеми за 0,3 поени во однос на ревидираната вредност за март и во просек изнесуваше 119,1 поен. Тоа значи дека на месечно ниво се зголемени за 0,3 отсто.
Во март кошничката со основни прехранбени производи поскапела на месечно ниво, првпат од септември 2023 година, за 1,2 отсто, покажуваат податоците на ФАО.
Во однос на ланскиот април, цените се пониски за 9,6 отсто.
Месото најмногу поскапе во април на месечна основа, за 1,6 отсто во однос на март, што е одраз на повисоките цени на живината, говедското и овчо месо.