Паладиумот ја започна годината со неверојатен раст, анализира Блумберг.
Родиумот – користен главно кај автомобилски катализатори и пет пати поскап од златото – веќе забележа раст од 32% од почетокот на годината.
Во последните четири години, цената на родиумот се зголеми за 12 пати, надминувајќи ги сите најголеми артикли. Како и паладиумот, металот е нуспроизвод на производството на платина и никел, но пазарот за него е далеку помал и, според тоа, се можни далеку поголеми промени во цените кога се менува побарувачката или понудата.
Во петокот, цената на родиумот беше 7.975 американски долари за унца.
„Главниот двигател од почетокот на јануари е физичката побарувачка во Азија, која најверојатно е поврзана со автомобилската индустрија“, рече Андреас Даниел, од Heraeus Holding GmbH.
Иако цената може да се намали оваа година, родиумот може да достигне рекордни 10.100 американски долари што ги постигна во 2008 година, според Афшин Набави, директор МКС ПАМП групацијата во Швајцарија.