Европските фудбалски клубови очекуваат да изгубат вкупно четири милијарди евра оваа и следната година поради пандемијата на коронавирус, изјави Европската асоцијација на клубови.
ЕЦА во својата студија проценува дека клубовите од 55 европски земји ќе имаат загуба од 1,6 милијарди евра оваа сезона, а 2,4 милијарди ќе претрпат загуба во сезоната 2020/2021 година, при што студијата не вклучува заработка од период на транзиција.
„Резултатите покажуваат дека финансиското влијание на коронавирусот врз европските клубови е веќе еден вид сеизмолошки шок во овој момент. „За жал, тој шок ќе продолжи и следната сезона, така што ова ќе биде вистинска егзистенцијална фудбалска криза“, рече Чарли Маршал, извршен директор на ЕЦА, пренесува Хина.
Поради пандемијата, вредноста на самите играчи и клубови падна нагло, а играњето натпревари пред празни трибини дополнително ја загрози заработката на клубовите.
Во 10-те лиги опфатени со истражувањето ЕЦА, вклучувајќи ги и петте најсилни и најбогати – англиска, француска, германска, италијанска и шпанска, клубовите се соочуваат со загуба од 400 милиони евра од непродадени билети оваа сезона, а таа сума ќе биде трипати поголема во следната сезона, ако натпреварите се играат без гледачи.
Предвиден е и голем пад на платите на самите играчи, а претстојниот преоден рок ќе обезбеди вистинска слика за тоа колку фудбалот трпи влијание од пандемијата.