Добро е да се биде Кевин Дејвид Лиман (Kevin David Lehmann). Осумнаесетгодишниот Лиман вреди 3,3 милијарди долари откако ги наследи акциите во германскиот синџир дрогерии „Dm-drogerie markt“ од неговиот татко Гунтер Лиман. Ова го покажа 35-тата годишна листа на милијардери на Форбс, која беше објавена на 6 април.
„Dm-drogerie markt“, изворот на богатството на Лиман, е водечки синџир дрогерии во Германија. Основана е во 1974 година, а според веб-страницата на компанијата, вработува повеќе од 41.000 луѓе во повеќе од 2.000 продавници низ Германија, пишува Б92.
Според Форбс, ниту Кевин ниту неговиот татко не се вклучени активно во компанијата и малку се знае за нив. Бизнис инсајдер контактираше со „Dm-drogerie markt“ барајќи изјава, додека, како што е наведено во текстот, не беше можно да се добие непосреден коментар од Лиман.
Второто место меѓу најмладите милијардери во светот во 2021 година го зазема 24-годишниот Ванг Зелонг од Кина, „тежок“ 1,5 милијарди долари. На третото и четвртото место се норвешките сестри Александра и Катарина Андресен, кои имаат 24, односно 25 години, и секоја „вреди“ по 1,4 милијарди долари. И двете поседуваат дел од семејниот бизнис „Ферд“, инвестициска компанија вредна повеќе милијарди долари.
Како што се додава, моментално најмладиот милијардер во светот – за кој не се знае дека е присутен на ниту една од водечките социјални платформи – е целосно спротивна од претходниот носител на титулата. На листата на милијардери на Форбс за претходната година, оваа титула ја доби reality ѕвездата и моден магнат Кајли Џенер. Додека 23-годишната Џенер падна од последното рангирање на милијардери во Форбс, таа беше – контроверзно – прогласена за најмлад милијардер на светот во 2019 година на 21 година.
Списокот „Форбс“ се заснова на информации за најбогатите луѓе во светот, користејќи ги цените на акциите и девизниот курс од 5 март и ги зема предвид само оние луѓе чија нето вредност е поголема од милијарда долари. Според списокот, сега има 2.755 милијардери во светот – повеќе од кога било досега.
Дури и по пандемиската 2020 година, светските милијардери се побогати отколку што биле некогаш. Според „Форбс“, вкупното богатство на светските милијардери се зголемило за 8 билиони долари на неверојатни 13,1 билиони долари. Во меѓувреме, извештајот на Институтот за политички студии откри дека светските милијардери додале 4 билиони долари на своето богатство – значително помалку од проценката на Форбс – од 18 март 2020 година до 18 март 2021 година, пишува Б92.
Топ 10 најмлади милијардери:
# 1 | Кевин Дејвид Лиман
Возраст: 18 години
Богатство: 3,3 милијарди долари
Земја: Германија
# 2 | Ванг Зелонг
Возраст: 24 години
Богатство: 1,5 милијарди долари
Земја: Кина
3 | Александра Андресен
Возраст: 24 години
Богатство: 1,4 милијарди долари
Земја: Норвешка
4 | Катарина Андресен
Возраст: 25 години
Богатство: 1,4 милијарди долари
Земја: Норвешка
5 | Остин Расел
Возраст: 26 години
Богатство: 2,4 милијарди долари
Земја: САД
6 | Густав Магнар Вицо
Возраст: 27 години
Богатство: 4,4 милијарди долари
Земја: Норвешка
7 | Енди Фанг
Возраст: 28 години
Богатство: 2 милијарди долари
Земја: САД
8 | Стенли Танг
Возраст: 28 години
Богатство: 2 милијарди долари
Земја: САД
9 | Сем Банкмен-Фрид
Возраст: 29 години
Богатство: 8,7 милијарди долари
Земја: САД
10 | Џонатан Квок
Возраст: 29 години
Богатство: 2,4 милијарди долари
Земја: ХОНГ КОНГ