Германскиот производител на батерии Varta го потпиша договорот за истражување со кој ќе се постават темелите за масовно производство на литиум-јонски батериски ќелии за електрични автомобили, како што се обидува да гo преземе лидерството од азиските лидери во секторот.

Varta, која во моментов е специјализирана за батерии за слушни помагала и големи системи за складирање на сончевата енергија, се согласи за договор за соработка со германскиот Институт Fraunhofer, научно истражувачко тело, објавија двете страни во понеделникот.

Германската влада издвои 1 милијарда евра за поддршка на домашните компании кои бараат да произведуваат батерии за електрични возила како начин да се намали зависноста на германските производители на автомобили од азиските добавувачи и да се заштитат работните места под ризик од промените кај автомобилскиот сектор.

Со истражувачкиот проект, Varta сака да добие технички предности во производството на акумулатори пред азиските    производители и во интензивни разговори со релевантните играчи на пазарот да ја прошири својата производна линија, изјави за новинарите во Штутгарт извршниот директор на Varta, Херберт Шин.

Тој одби да даде дополнителни детали.

Варта, хемискиот гигант BASF и германската подружница на Форд, Форд-Верке ГмбХ, се меѓу компаниите вклучени во разговорите со германскиот министер за економија, Питер Алтмајер, за изградбата на локалните алијанси за батериите.

Берлинскиот притисок за обликување на индустриската политика означува пауза со својот генерален пристап за деловни одлуки и е дел од европските напори за оформување на сојузи за батерии за да се спротивстави на доминацијата на кинеските, јапонските и корејските фирми.

Сепак, азиските пазарни лидери веќе го зголемуваат производството, зголемувајќи го и ризикот од презаситеност што може да го попречи создавањето на производството на батеријални ќелии од европските новодојденци.

Фолксваген е исто така отворен за приклучување кон конзорциумот предводен од Берлин кој го истражува производството на електрични мобилни ќелии во Германија, изјави минатата недела официјално лице запознато со ова прашање.

Томас Бауерхансл, директор на Институтот за производство и инженеринг на ИФА Фраунхофер, рече дека фокусот на истражувачкиот проект беше да се постави дигитализирана производствена линија која ќе ја намали сегашната стапка на отпад за 10 проценти.

Варта моментално е единствената компанија во Германија со искуство во масовно производство на батерии и ова го намалува ризикот од влегување на пазарот во нови области, како што се големите литиум-јонски батерии за електрични автомобили, рече Бауерхансел.

Министерот за економија Altmaier рече дека имало заинтересирани страни за неколку конзорциуми за производство на батеријални ќелии и дека тој очекувал првите конкретни одлуки за инвестиции да бидат на крајот на првиот квартал од 2019 година.