Темпото на изградба на домови ќе остане побавно од очекуваното до 2022 година, па дури и подоцна, предвидува консултантска фирма

Темпото на изградба на нови домови за едно семејство во САД ќе остане под просекот за последната деценија до 2022 година, па дури и подоцна, предвидува консултантска фирма Zillow, цитирана од онлајн публикацијата World Property Journal.

Во последните неколку години, цените за куќи за едно семејство на пазарот во САД беа постојано високи. Новата градба е слаба веќе долго време, а тоа веројатно ќе ја задржи високата побарувачка.

Ова е исто така причината зошто многумина сакаат да останат под кирија подолго време, иако сакаат да купат свој дом. Покрај тоа, ситуацијата создава сериозен притисок на цените и на пазарот за продажба и за изнајмување, се забележува во публикацијата.

Zillow исто така напоменува дека брзината на новата изградба на домови за едно семејство во САД сè уште не се вратила на историско ниво по крајот на Големата рецесија во 1930-тите.

Повеќето економисти и експерти за недвижнини очекуваат дека годишната стапка на  изградени куќи ќе остане под 1 милион единици до 2022 година и потоа. Врвот беше достигнат во 2006 година – 1,8 милиони станбени единици.

Најпопуларните начини за потенцијално зголемување на снабдувањето се со олеснување на локалните регулативи за изградба на места со фиксна големина, намалување на задолжителните минимални големини на парцелата и олеснување на процесот на поделба на земјиштето.

Се очекува цените на куќите за едно семејство да се зголемат за 3,6% во 2019 година. Сепак, темпото се забавува од најавениот пораст од 4,2% во 2018 година.

Темпото на изградба на домови во САД заостанува зад она што нормално би се очекувало со оглед на стапката на раст на населението во текот на последната деценија. Во последниве години, градителите се пожалија на недостаток на земјиште и работници и високи трошоци за дозволи и материјали. Ова го отежнува градењето на голем број домови, особено достапни домови за купувачи со среден и низок приход.

 

Забрането превземање на содржината без претходна согласност на редакцијата на БанкоМетар.мк