Јенот во средата на меѓународните валутни пазари повторно зајакна откако инвеститорите во контекст на понатамошен пад на цените на нафтата се повеќе претпазливи при преземање на ризици, поради што зајакна побарувачката за засолништата на капитал, а фунтата е подложна на бранот на продажба.
Курсот на еврото во таква атмосфера падна на 123,04 јени, на најниско ниво во речиси три години. Доларот, исто така, ослабе во однос на јенот на најниско ниво во последните 10 дена од 111,63 јени, во близина на најниското ниво во последните 15 месеци од 110,85 јени, на кое се спушти претходно овој месец. Еврото во однос на доларот ослабе на 1,1012 $.
Фунтата се уште е во фокусот на пазарите по бранот на продажба на кој е изложена во последните неколку дена, па по прв пат од 2009 година, се спушти под 1.40 $. Причината за тоа е загриженоста на инвеститорите во врска со можното излегување на Британија од Европската унија.