Колку чини кај нас килограм боранија?
Килограм боранија на хрватските пазари чини како три килограми свински врат.
Минатата недела килограм мешунки беше најскап на пазарите во Сплит, Шибеник и Дубровник, чинеше дури 10 евра.
За таа сума, минатата недела во Подравина, на пример, можеше да се купи речиси три килограми свински врат со коски, пишува Даница.хр. На пазарите во Копривница, Вараждин и Загреб боранија се продаваше по седум евра, во Бјеловар за пет, во Чаковец шест, а најевтино минатата недела беше во Пула – 3,5 евра за килограм. Во споредба со истата недела лани, боранијата во Копривница скокнала за 17 отсто, а во Сплит за дури 42 отсто. Минатата година највисоката цена во Хрватска во референтната недела беше осум евра, а годинава десет евра: така што во просек боранијата поскапела за 25 проценти.