Кина ги надмина САД минатата година и стана најголемиот примател на странски директни инвестиции (СДИ).
Минатата година беа инвестирани 163 милијарди долари во Кина, додека САД мораа да се задоволат со инвестиции од 134 милијарди долари, покажуваат податоците на УНКТАД објавени во неделата.
За споредба, во 2019 година, САД привлекоа 251 милијарда долари инвестиции, а Кина 140 милијарди долари.
Генерално, извештајот открива дека странските директни инвестиции опаѓаат на глобално ниво поради пандемијата со корона вирусот. Директните странски инвестиции паднаа за 42 отсто во 2020 година, на 859 милијарди долари, што е пад од дури 30 отсто под нивото од финансиската криза во 2009 година.
Минатата година развиените земји беа погодени повеќе од таканаречените земји во развој. Инвестициите во САД паднаа за 49 отсто, нешто помалку од просекот на развиените земји од 69 отсто. Директните странски инвестиции во земјите во развој паднаа за релативно умерени 12 отсто.