Во светот во моментов владее „дигитална златна треска“.

Огромниот раст на вредноста на биткоинот и другите криптовалути воведе нови „крипто милијардери“ на листата на Форбс.

Колку тоа може да се случи за само една година – најдобро знаат оние што инвестираат во криптовалути. Кога американската економија заглави во март минатата година, инвеститорите се испаничија, биткоинот падна за 50% за еден ден, а следуваа и другите криптовалути.

Дванаесет месеци подоцна, иднината на дигиталните добра никогаш не изгледала посветла. Биткоинот ги сруши рекордите оваа година, а цената достигна бројка од над 60.000 долари во март. Другите криптовалути имаа сличен раст, што доведе до зголемување на вкупната пазарна капитализација на крипто-валутите на над 1,5 трилиони долари.

Сега и банките и компаниите започнуваат кампања на овој пазар.

Како што расте пазарот на криптовалутите, расте и списокот на богати. Дури 12 крипто милијардери влегоа на списокот на Форбс за најбогати за само една година, во споредба со само четири години претходно.

Кој е на оваа листа?

Камерон и Тајлер Винклевос

Браќата близнаци и поранешни веслачи го тужеа Фејсбук, се решија и добија 65 милиони долари, а потоа тие го претворија во уште поголемо богатство, па сега и двајцата имаат по три милијарди долари. Тие започнаа да купуваат биткоин во 2012 година. Тие исто така ја лансираа криптоберзата Twins и аукциската платформа за дигитална уметност Nifty Gateway.

Мајкл Сејлор

Сејлор е извршен директор на MicroStrategy, кој е „тежок“, 2,3 милијарди долари. Тој купи биткоини пред бумот, и за себе и за компанијата, што го поттикна растот на цената на нејзините акции.

Метју Розак

Розак ​​е ентузијаст на криптосцената од 2011 година. Денес, неговото богатство се проценува на 1,5 милијарди долари. Тој е исто така шеф на Bloq, компанија специјализирана за блокчејн инфраструктура, но и ран инвеститор во крипто-стартапи.

Тим Дрејпер

Во 2014 година, овој капиталист од Силиконската долина купи биткоини во вредност од 18,7 милиони долари, кои претходно беа конфискувани од американските маршали од црниот пазар, Патот на свилата. Денес, тие биткоини вредат 1,5 милијарди долари.

Сем Бенкмен Фрајд

Сем Бенкмен Фрајд е најбогатиот крипто-милијардер. 29-годишникот ги заврши студиите на американскиот универзитет МИТ, а тој е „тежок“ 8,7 милијарди долари.

Брајан Амстронг

Армстронг е извршен директор и ко-основач на Coinbase, чие богатство се зголеми за повеќе од четири пати во последната година поради бум на пазарот на крипто-валути. Неговото богатство се проценува на 6,5 милијарди долари.

Фред Ерсам

Тој заедно со Армстронг го основаше Coinbase во 2012 година. Тој ја напушти компанијата, но остана член на управниот одбор, а неговиот удел во компанијата од шест проценти се проценува на 1,9 милијарди долари.

Чангпенг Џао

Основачот на крипто-берзата Бинанс се врати на списокот на милијардери. Богатство: 1,9 милијарди долари.

Бери Силберт

Неговото богатство е врзано со конгломератот DCG (група за дигитални валути) што го основаше во 2015 година и се проценува на 1,6 милијарди долари.

Крис Ларсен

Ко-основачот и претседател на Ripple поседува 3,4 милијарди долари.

Џед Мекејлеб

Друг ко-основач на Ripple, чие богатство се проценува на две милијарди долари.