Според неговите зборови, стареењето на населението може да создаде структурни предизвици за централните банки
Гувернерот на јапонската централна банка, Харухико Курода, рече дека стабилниот раст на каматните стапки на Федералните резерви е “претежно добар” за глобалната економија. Со ова, тој ја растури загриженоста дека повисоките каматни стапки во САД би можеле да им наштетат на азиските економии со тоа што ќе предизвикаат бегство со капитал, објави Ројтерс.
Курода сепак беше повнимателен за ризиците поврзани со ескалацијата на трговската војна, како што рече, се “прилично невообичаени” по обем и како можен “нов развој” за светската економија.
Според зборовите на Курода постарото население може да создаде структурни предизвици за централните банки, бидејќи го намалува нивниот потенцијал за раст и бара од нив да користат поголема парична сила за да го обноват севкупниот раст.
Надзорниот одбор на Меѓународниот монетарен фонд предупреди денеска дека построгите услови за финансирање се меѓу ризиците кои можат да влијаат на многу земји во развој и развиени земји.
Сепак Курода коментира дека повисоките каматни проценти на САД се позитивни за светската економија, бидејќи нормализирањето на политиката на ФЕД покажува дека американската економија е во добра форма.
“Добро е што САД ја нормализираат монетарната политика, бидејќи економијата расте, а инфлацијата е веќе блиску до целта (на ФЕД)”, посочи Курода за време на семинарот организиран од ММФ за време на годишните средби на ММФ и на Светската банка во Бали , Индонезија.
“Постепеното нормализирање е јасна изјава за намерата и идната политика на ФЕД … Тоа е добро за светската економија”, категоричен е тој.
Курода објасни дека Јапонската централна банка се соочува со поинаков предизвик од она на ФЕД, бидејќи нејзе и е потребно повеќе време за да ја постигне својата цел за инфлација од 2%. Тој потврди дека е решено да се поддржи масовната стимулативна програма во Јапонија.
Стареењето на населението, исто така може да се создаде “сериозни предизвици” пред многу држави, бидејќи ќе бара централните банки да ги намалат каматните стапки повеќе за да ги поттикнат своите економии, коментира Курода.
“Стареењето на општеството е нешто што не е забележано само во Јапонија, туку и во многу европски и земјите во развој. Тоа станува севкупен предизвик “, додаде тој.