Претседателката на Европската централна банка (ЕЦБ) Кристин Лагард изјави дека изгледите за зголемување на каматните стапки следната година се минимално веројатни, но рече дека таа брзо ќе преземе мерки за да се бори против зголемената инфлација доколку е потребно.
„Кога ќе се исполнат условите и ќе добиеме нови насоки, нема да се двоумиме да реагираме“, рече Лагард во онлајн интервју за „Reuters”.
Нејзината изјава доаѓа само неколку дена откако податоците покажаа дека потрошувачките цени во еврозоната се зголемија за 4,9% во ноември, што е најбрзиот раст откако земјите од Европската унија беа обединети со истата валута, а стапката на инфлација во Германија скокна на 6%.
Дополнително, треба да се напомене дека минатата недела претседателот на американската централна банка Џером Пауел изјави дека скокот на инфлацијата повеќе не може да се смета за „актуелен“.
Лагард во петокот објасни дека сегашното поскапување е привремено и изјави дека во таа смисла не може да се споредуваат Европската унија и САД. Според неа, растот на инфлацијата веројатно ќе биде забавен следната година, кога ќе се изгубат последиците од влијанието врз пазарните даноци во Германија, што се случија во 2020 година и кога ќе ослабне притисокот од високите цени на електричната енергија.