Во Скопје денеска ќе се одржи 2. Македонско – германски форум „Градиме мостови – политика и економија“ што го организираат Фондацијата Конрад Аденауер и Институтот за општествени истражувања – МК 91.
Поздравно обраќање ќе има германскиот амбасадор Томас Герберих по што следува првата сесија : „25 години билатерални односи помеѓу Германија и Република Македонија”. Почесен гостин и говорник на сесијата ќе биде Торстен Фрај, пратеник во германскиот Бундестаг.
На вториот панел ќе зборува министерот за економија Крешник Бектеши. Неговото обраќање е на тема „Трговија и економија – можности и предизвици“.
Се очекува обраќање да има и директорот на Делегацијата на германското стопанство во Македонија, Патрик Мартенс.