Серија твитови испратени од милијардерот Елон Маск го зголемија тргувањето со ривалот на Bitcoin – Dodgecoin за повеќе од 50 проценти, пренесува Гардијан.
Првиот во низата твитови беше само еден збор: „Dodge“. Ова беше проследено со други твитови за криптовалутата, со која се тргуваше по цена од 5 центи на почетокот на денот во четвртокот, во споредба со околу 3 центи пред неговите твитови.
„Dodgecoin е крипто за луѓето“, објави на Твитер.
„Нема скокови, нема падови, само Dodge“, објави на Твитер подоцна.
Ова не е прв пат Маск да ја зголемува вредноста на акциите со твитови за dodgecoin, бидејќи на 20 декември, со твит во кој напиша „Еден збор: Dodge“, тој ја зголеми вредноста на таа криптовалута за 20% и стана главната тема на Твитер.
Маск претходно беше критичен кон поставените и далеку поскапи криптовалути како биткоинот. Но, во интервју минатата недела за социјалната апликација Клабхаус, Маск рече дека требало да ја купи дигиталната валута пред осум години.
“Во моментов, мислам дека биткоинот е добра работа. Доцнам на забавата, но јас сум поддржувач на биткоинот”, рече тој.
Тој очигледно е решен да не доцни на забавата на Dodgecoin, пишува Гардијан.