Македонската економија годинава ќе порасне за 2,8 отсто, е најновата прогноза на Меѓународниот монетарен фонд за земјава, објавена сега во Извештајот на Фондот за глобалните економски изгледи.
Ова е пониска прогноза од претходната на Фондот за земјава, која изнесуваше 3,2 проценти, а толкав пораст на економијата очекува и Владата.
За следната, 2019 година, Фондот предвидува дека земјава ќе достигне стапка на раст од 3 проценти, а во 2023 година се очекува економски пораст од 3,5 проценти.