Спонтани протести се одржаа во Истанбул и Анкара по падот на турската лира, јави Hulk TV.
Демонстрантите побараа оставка од владата и оставка од владејачката Партија на правдата и развојот. Полицијата ги разбрка демонстрантите.
Турската валута постави нов анти-рекорд, паѓајќи од 11,37 на 13,21 лири за долар. Како што појасни за медиумите финансискиот аналитичар Арда Тунџа, ваков остар пад на ден е максимум во последните 20 години. Ова дојде откако турската централна банка ја намали каматната стапка на 15%, а вчера претседателот Реџеп Таип Ердоган повика на уште поголем пад на каматните стапки.
Лидерите на главните опозициски партии Кемал Киличдароглу и Мерал Акшенер го обвинија Ердоган за неспособност и повикаа на предвремени избори. Шефот на државата, од своја страна, рече дека претседателските и парламентарните избори ќе се одржат според планот во јуни 2023 година.