Биткоинот повторно достигна историски рекорд денес. Според платформата Коиндеск, оваа криптовалута ја надмина границата од 28 000 американски долари, продолжувајќи кон целта за криптовалутата што забележа повеќе од тројно зголемување на вредноста оваа година.
Највредната дигитална валута во светот се зголеми за околу 8% до 28.348 американски долари, во моментов се тргува за 28.374 долари.
Инвеститорите во криптовалути укажуваат на зголемена побарувачка, ставајќи го биткоинот како заштита од инфлација слична на злато во услови на невиден стимул за економијата на САД во врска со пандемијата предизвикана од коронавирусот. Неодамнешната белешка на JPMorgan тврди дека ваквиот апетит на инвеститорите ќе ги зголеми приливите на средства што го следат биткоинот на штета на златото.
Извонредниот раст на вредноста на биткоинот е резултат на инвестирање во оваа и други крипто-валути за време на пандемијата на коронавирусот и се очекува овој тренд да продолжи и во 2021 година. Фактот дека американскиот долар е сериозно слаб, го прави биткоинот исклучително привлечна валута.
Тековната капитализација на биткоинот е околу 530 милијарди долари. Истражувачите на криптовалути сметаат дека пазарната капитализација на биткоинот може да достигне илјада милијарда долари во текот на 2021 година, ако инвеститорите сериозно ги сфатат овие криптопари.
Според Ентони Скарамучи, основач на Skybridge Capital, биткоинот се соочува со своите најдобри денови, но секогаш мора да има претпазливост поради нови нестабилности, со оглед на историјата на оваа криптовалута чија вредност постојано се намалуваше во разни рецесии.