Линк до списоците:http://bitly.ws/zQ9k
Стари лица, корисници на посебен додаток, надоместок заради попреченост, корисници на надоместок за помош и нега од друго лице со трајни промени во здравствената состојба како и самохрани родители се категориите граѓани кои можеа да добијат финансиска помош за справување со енергетската криза. Од Министерството за труд и социјална политика ги известија граѓаните, дека согласно Законот за финансиска подршка на ранливи категории граѓани за справување со енергетската криза, списоците на корисници на финансиска поддршка веќе се објавени на веб страната на Министерството.
Паричните средства за корисниците на финансиска поддршка за справување со енергетската криза, ќе бидат исплатени на 13.02.2023 година.
Списокот се објавува со цел граѓаните да можат да извршат проверка, а доколку лицето не е на списокот, а смета дека ги исполнува условите како корисник на право, може да поднесе приговор до Комисијата за одлучување по приговори за финансиска поддршка при Министерството за труд и социјална политика, во рок од три дена од денот на објавувањето на списоците на корисници на финансиската поддршка.
Приговорот може да се поднесе преку архивата на Министерството за труд и социјална политика или преку електронската пошта.
Списокот на корисници на паричните средства за финансиска поддршка за справување со енергетската криза, ќе биде отстранет по истекот на три дена од денот на објавувањето.