Околу 80% од невработените во Македонија се со основно или средно образование!

Над 1 500 магистри и 100 доктори на науки без работа, една третина од невработените магистри и повеќе од половина од невработените со докторат живеат во Скопје – податоци кои произлегуваат од третиот сет на податоци од Пописот. 

Вкупно 109 249 се невработени лица на возраст од 15 години и повеќе. Од нив речиси 80 проценти се со основно или средно образование. Над половината од невработените или 56 701 лице се со средно образование, над 30 илјади или 28 проценти имаат основно образование.

Околу 14 проценти од невработените имаат високо образование. Нешто под пет проценти од невработените се без образование или незавршено основно образование. Загрижувачки е податокот дека една третина од невработените со средно образование се на возраст меѓу 20 и 29 години, кои пак се уште не го завршиле своето образование.

Младите кои ги анкетиравме проблемот со невработеноста, а со тоа и иселувањето го гледаат во недовербата во институциите, лошата економска состојба но најмногу поради неквалитетното образование и здравствените политики.

Претходниот сет на статистика произлезен од спроведениот попис покажа дека 19 илјади луѓе постари од 15 години низ државата се неписмени, а додека над 23 илјади луѓе се без никакво образование.