Акциите на Комерцијална банка, Прилепска пиварница Прилеп, Алкалоид, Макпетрол и Стопанска банка Битола се петте најтргувани акции во период од 13-ти до 17-ти јули оваа година, покажува Неделниот преглед на Македонска берза.

Прометот во текот на оваа трговска недела достигна вредност од 1.060.059 евра, што е за 19,77% повеќе во однос на претходната недела. Кај вкупниот број на трансакции, 222, има раст од 5,21%, додека пазарната капитализација што се позиционираше на 3.225.331.035 евра има пад од 0,8%. Пазарната капитализација на последниот ден на тргувањето имаше вредност од 1.761.808.541 евра. На месечно ниво, има зголемување на пазарната капитализација за 3,50%.

Индексот МБИ10 на 17-ти овој месец достигна 4.206,68 поени или 1,24% повеќе во споредба со претходната недела.