Во Македонија има 350.671 корисник на пензија, додека бројот на вработени лица кои уплаќаат придонеси изнесува 571.855, покажуваат податоците на Фондот за ПИОМ со пресек од 30 јуни 2026 година.
Тоа значи дека на еден пензионер има 1,63 вработени кои уплаќаат придонеси. Според директорот на ПИОМ, овој сооднос е особено важен бидејќи првиот пензиски столб функционира на принципот на тековно финансирање – придонесите што денес ги плаќаат вработените ги финансираат пензиите што денес се исплаќаат.
Од вкупниот број пензионери, 97.585 лица примаат најниска пензија. Во зависност од групата и периодот кога е остварено правото, најниската пензија се движи од 20.888 до 23.945 денари.