Блокадата што ја наметна Русија на Црното Море турка цели популации кон глад. Ова е предупредувањето од министрите за надворешни работи на Г7. Според нив, милиони луѓе ќе гладуваат доколку Русија не дозволи извоз на украинско жито од блокираните пристаништа.
Земјите членки во заедничката изјава рекоа: Војната на Русија, неиспровоцираната и однапред смислена агресија ја влошија глобалната економска перспектива со нагло зголемување на цените на храната, горивото и енергијата.
„Руската агресија генерира една од најлошите прехранбени и енергетски кризи во историјата на последните децении, која сега им се заканува на оние во најкревките позиции ширум светот. Решени сме да го забрзаме координираниот мултилатерален одговор за одржување на глобалната безбедност на храната и да застанеме покрај нашите најранливи партнери во овој поглед.“
се вели во соопштението на Г7.
Земјите од Г7, исто така, ја повикаа Кина да не и помага на Русија, вклучително и поткопување на меѓународните санкции или оправдување на постапките на Москва во Украина.
Украина е една од водечките светски производители на пченица и пченка, а многу земји, особено во Северна Африка, зависат од нивната основна храна од нејзината евтина пченица. Претходно, директорот на програмата за храна на ОН, Мартин Фрик, рече дека околу 4,5 милиони тони контејнери во украинските пристаништа се едноставно заглавени.