Вицепремиерот за економски прашања Фатмир Битиќи и директорот на Фондот за иновации и технолошки развој Коста Петров денеска ќе го промовираат јавниот повик за стар-ап и спин-оф компании „Стартапувај 3″.

Претходно, на јавниот повик „Стартапувај 2″, кој беше наменет за кофинансирани грантови за новоосновани компании, а Фондот за иновации и технолошки развој го спроведе во соработка со Светска банка, се пријавија рекорден број од 235 стартап компании, што беше зголемување за 30 отсто во споредба со првиот повик наменет за поддршка на стартапи реализирани минатата година на кој беа пријавени 186 апликанти.