Избувнувањето на коронавирусот веќе дава таков одраз што дури и во најголемата европска економија, рецесија во првата половина на оваа година е неизбежна. Ова го разјасни Советот на економски експерти во Германија, чии прогнози укажуваат дека производството би можело да се намали до 5,4% оваа година.
Германија е блокирана, пренесува Ројтерс. Со повеќе од 57.000 заразени и 455 мртви минатата недела. Потоа парламентот го одобри масивниот пакет на стимули во вредност од повеќе од 750 милијарди евра за да помогне во одржување на економскиот пад.
Главното сценарио – во кое економската состојба ќе се нормализира во текот на летото – укажува дека економијата ќе се намали за 2,8% оваа година, пред потенцијално да се зголеми за 3,7% следната година.
Германија нема да ги олесни мерките за спречување на ширење на вирусот пред 20 април, изјави началникот на канцеларијата на канцеларката Ангела Меркел за германски весник во текот на викендот.
Другите предвидувања се попесимистички, при што германскиот економски институт (IW) изјавуваше минатата недела дека германската економија би можела да се намали за 10% оваа година, во најлошото сценарио, a блокадата да трае до крајот на јуни.
Скоро секоја петта германска компанија е изложена на ризик од банкрот заради кризата со коронавирус, покажува истражувањето на Стопанската комора.