Грција стана уште една во низата земји за која Русија ќе престане да испорачува природен гас. Газпром утре во рок од една недела ќе ја затвори чешмата за нашиот јужен сосед. Официјалната причина – планираната годишна превенција на „Турски поток“.

Прекинот не се очекува да ја погоди земјата. Грција продолжува да се снабдува со течен природен гас, како и преку други договори за снабдување, објави БГНЕС, повикувајќи се на локалните медиуми.

Неколку дена претходно, испораките беа прекинати за Франција и намалени за Италија, Австрија и Словачка. Причините повторно беа „технички“. Сепак, според повеќето европски политичари и коментатори, ова што се случува се должи на војната во Украина и позицијата на европските земји за неа. Како што е познато, гасот беше прекинат прво за Полска, Бугарија и Финска поради одбивање да се плати во рубљи.