(Блумберг) – Руската централна банка неочекувано ги зголеми трошоците за позајмување по вторпат оваа година, пред скокот на инфлацијата во следниот квартал поради зголемувањето на даноците и можните санкции на САД.
“Централната банка ќе ги разгледа понатамошните клучни зголемувања на стапката врз основа на инфлацијата и економската динамика во однос на предвидувањата, како и ризиците од надворешните услови и реакцијата на финансиските пазари”, се вели во соопштението на централната банка.
Клучната каматна стапка е зголемена за 25 базични поени на 7,75 отсто, се вели во соопштението. Одлуката беше предвидена од 16 од 42 економисти анкетирани од Блумберг, додека останатите предвидуваат застој. Редовните купувања во странска валута, кои беа суспендирани за да го запрат падот во рубљата претходно оваа година, ќе продолжат од 15-ти јануари, рече регулаторот.
Овој потег ќе и даде дополнителна заштита на рубљата, како што се движи во потенцијално бурниот квартал по поскапувањето од 13 отсто оваа година. Набавките би можеле да го зголемат притисокот од тековната закана за повеќе санкции од САД. Инфлацијата се приближува до целта од 4 отсто на централната банка и ќе ја достигне следниот квартал по зголемувањето на данокот на додадена вредност.
“Тие се одлучија за одбранбено зголемување, кое ќе остави простор повторно да се намалат каматите во периодот септември-декември наредната година”, рече Дмитриј Полевој, главен економист во Рускиот инвестициски фонд. “Тоа е јасно добра вест за рубљата”.