Руските енергетски производи не можат да се заменат или исклучат од светскиот пазар, изјави вицепремиерот на Русија Александар Новак.
„Очигледно е дека потрошувачката на енергија само ќе расте во иднина, така што не можам да замислам како би изгледала светската економија без нашите извори на енергија. Никој не може да не замени, тоа е невозможно. Освен тоа, не можам да замислам свет без нашите учество на енергетскиот пазар.Во оваа насока ние сме оптимисти и си поставивме амбициозни цели“, изјави Новак за Тас.
Светот ќе се соочи со недостиг на енергија за пет до 10 години, бидејќи западните нафтени и гасни компании не инвестираат доволно, смета рускиот потпретседател.
Во интервју за агенцијата Тас, Новак оцени дека компаниите треба да ја пренасочат добивката од дивидендите во инвестиции и на тој начин да одговорат на потезите на нивните влади.
„Многу западни нафтени и гасни компании веќе се претпазливи за сите овие процеси и ги пренасочуваат средствата за купување акции, наместо да инвестираат. Поради намалувањето на обемот на инвестициите, ЕУ во иднина нема да има доволно енергетски ресурси, а светот ќе се соочи со недостиг и нов циклус на криза“, претпостави Новак.
Според него, Русија е најголемиот светски играч во областа на енергетиката. Новак изјави дека Русија се занимава со петрохемикалии и водород, развива традиционални и нови енергетски индустрии и има единствена експертиза, технологија и искуство во секторот за нуклеарна енергија.