Според меѓународната агенција „Brand Finance“, „Sberbank” е сè уште највредниот руски бренд. Вредноста на брендот „Sberbank” е 13.233 милијарди долари, што е за 870 милиони долари повеќе од вредноста која ја имаше кон крајот на 2019 година.
Од 2014 година, „Sberbank” постојано ја зголемува вредноста на својот бренд. Во текот на изминатата година, тој се искачи за две позиции и го зазема 139-то место. Банката, исто така, го одржуваше својот елитен рејтинг ААА + како банкарски бренд. Само десетина брендови во рамките на Глобал 500 го достигнаа елитниот рејтинг ААА + оваа година.
„Sberbank значи доверба во Русија. Тоа многу кажува за нејзиниот успех во Brand Finance Global 500 оваа година. Sberbank уште еднаш се етаблира како стабилен бренд на кој се потпираат милиони руски граѓани. Стратешкиот потег за унапредување на работењето од традиционалното финансирање кон другите аспекти на животот на клиентите, особено во дигиталниот сектор, го отвори патот на Sberbank како највлијателен бренд во Русија“, рече Дејвид Хеиг, извршен директор на меѓународната агенција „Brand Finance”.