Првите неколку недели за британскиот извоз и увоз од ЕУ по Брегзит беа тешки, бидејќи стоките на големите компании претежно пловеа низ пристаништата, но многу мали компании се бореа со новите трговски правила, пишува Волстрит журнал.
За прв пат по скоро половина век, стоката што се движи меѓу ЕУ и Велика Британија од 1 јануари се соочи со царинска контрола и потребата да се исполнат посебни групи на стандарди и прописи.
Како дополнителна компликација, стоките што се движат од остатокот на Велика Британија кон Северна Ирска се соочуваат со контроли, по компромис за избегнување на копнената граница со Република Ирска, која е членка на Европската унија, пренесува Нова економија.
Големите британски продавници пријавија само мали нарушувања во увозот на храна, додека пристаништата во земјата пријавија неколку проблеми со сообраќајот на контејнери, што претставува 60% од трговијата во Велика Британија или проблеми со нивните други големи компании.
Но, многу помали британски компании, кои превезуваат стока до ЕУ со камион, преминувајќи го каналот со брод или преку тунелот под Ла Манш, велат дека имаат дополнителни трошоци и долги доцнења и се грижат дека тоа ќе биде трајна пречка за нивниот извоз во континентална Европа.
Според новите трговски аранжмани, британската влада проценува дека ќе има 215 милиони дополнителни царински декларации годишно – скоро 600.000 на ден – што според компаниите ќе биде потребно време и ќе чини пари за организацијата.
Некои компании ќе мора да плаќаат такси за инспекција, да бараат дозволи за увоз и да смислат како да го пресметаат данокот на додадена вредност.
Извозот на британска храна и животни во ЕУ ќе се проверува по пристигнувањето.