Министерот за земјоделство, шумарство и водостопанство Љупчо Николовски догодина очекува двојно зголемено производство на сончоглед или околу 10 000 тони.
-Следната година ќе имаме зголемено производство. Ако годинава беа откупени 5000 тони сончоглед за производство за масло за јадење, очекувам догодина тоа да биде дуплирано и да изнесува околу 10 000 тони. Тоа го потврдуваат и земјоделците и преработувачите, рече Николовски, одговорајќи на новинарски прашања.
Националниот план за производство на храна, потсети министерот, e донесен за да се искористат сите капацитети и потенцијали, за сите ресурси да се стават во функција на зголемување на производството.
-Верувам дека ќе успееме на среден и на долг рок да го намалиме увозот и да станеме увозно независни, а наредната година очекувам зголемено производство, истакна Николовски.